Almaty ákiminiń tapsyrmasymen Medeý aýdanynyń ońtústik bóligindegi talaı jyldan beri qordalanǵan sý tapshylyǵy máselesi sheshildi
Almaty ákimi Erbolat Dosaev Medeý aýdanynyń turǵyndarymen kezdesý barysynda sapaly sýmen jabdyqtaý jáne káriz júıesimen qamtamasyz etý mańyzdy máseleniń biri ekenin atap ótti, dep habarlaıdy aqshamnews.kz
Bıyl jazda «Balqash» taza sý rezervýary paıdalanýǵa berilip, «Kamensk ústirti» shaǵyn aýdanyndaǵy talaı jyldan beri qordalanǵan sý tapshylyǵy máselesi sheshildi. 2023 jyldyń mamyr aıynda bastalǵan aýqymdy joba aıasynda 7,3 myń tekshe metr sýǵa arnalǵan 7 rezervýar salyndy, 3 rezervýar jańartyldy jáne táýligine 15,7 myń tekshe metr sý ótkizý qabileti bar 3 jańa uńǵyma salyndy, táýligine 22 myń tekshe metr sý ótkizýge arnalǵan 12 sorǵy ornatyldy.
Sonymen qatar, bıyl shilde aıynda Memleket basshysynyń tapsyrmasymen táýligine 32 myń tekshe metr sý berýge arnalǵan rezervtik sý berý júıesi paıdalanýǵa berildi. Negizgi sý kózderi - Talǵar jer asty sýlarynyń ken oryndarynan sý kaskadty ádispen jetkiziledi. Jobany júzege asyrý nátıjesinde «Samal», «Kóktóbe» jáne «Gornyı gıgant» shaǵyn aýdandarynyń bir bóliginiń 50 myń turǵyny sýmen turaqty qamtamasyz etildi.
Sonymen qatar, qala basshysy atap ótkendeı, turǵyndar sanynyń ósýine baılanysty, sonyń ishinde «Dýman» shaǵyn aýdanynda sýmen qamtamasyz etý máselesi barǵan saıyn ózekti bolyp otyr. Jaz mezgilinde qoldanystaǵy rezervýarlardyń ótkizý qabileti aýyz sýǵa degen qajettilikti óteı almaı, táýligine 2,2 myń tekshe metr sý tapshylyǵyna ákeldi.
Bul máseleni sheshý úshin tórt jańa rezervýar, 3,5 km sý qubyrynyń qurylysy jáne eki sorǵy stansıasyn jańǵyrtý josparlanyp otyr. Bul jumystar 2025 jyldyń birinshi toqsanynda bastalady.
- 2024 jyldyń sońyna deıin «Keńsaı», «Kompot», «Dýman» jáne «Kólsaı» shaǵyn aýdandarynda 65 km sý jáne káriz jelileriniń qurylysy aıaqtalady. Sondaı-aq, «Muztaý» jáne «Sulýsaı» shaǵyn aýdandarynda 19,5 km sýmen jabdyqtaý jáne káriz jelileriniń qurylysy júrgizilýde, ony 2025 jyldyń úshinshi toqsanynda aıaqtaý kózdelgen.
- 2024 jyldyń naýryz aıynda «Atyraý», «Alataý» jáne «Malaıa Stanısa» shaǵyn aýdandary boıynsha 37 km sýmen jabdyqtaý jáne sý burý jelilerin salýǵa memlekettik saraptama alyndy. Jumystar 2025 jyldyń birinshi toqsanynda bastalady.
Sondaı-aq, «Askartaý», «Iýbıleınyı», «Kamensk ústirti» jáne «Taýly qyrat» shaǵyn aýdandarynda 127 km jeli salýǵa qujattama ázirlenýde, saraptama 2024 jyldyń tórtinshi toqsanynda shyǵady.