2024 jyly Medeý aýdanynyń búdjeti 34,2%-ǵa ulǵaıdy
2024 jyly Medeý aýdanynyń búdjeti 12,8 mlrd teńgeden 37,4 mlrd teńgege nemese 34,2%-ǵa ulǵaıtyldy. Bul týraly qala ákimi Erbolat Dosaev aýdan turǵyndarymen kezdesýde málimdedi, dep habarlaıdy aqshamnews.kz
Megapolıs basshysy qarajat aýdan turǵyndarynyń áleýmettik jáne ınfraqurylymdyq máselelerin sheshýge jumsalatynyn atap ótti. Medeý aýdany — megapolıstegi eń úlken aýmaq, ol Almatynyń qarjy ári bıznes ortalyǵy. Aýdan aýmaǵynda 45 myńnan astam bıznes sýbektileri belsendi jumys isteıdi. Olar osy jyldyń 7 aıynyń qorytyndysy boıynsha búdjetke 250 mlrd teńgeden astam qarjy quıdy.
Bıyl qańtar-shilde aılary aralyǵynda aýdanda qurylys jumysynyń kólemi 13,3%-ǵa ulǵaıdy, negizgi kapıtalǵa salynǵan ınvestısıalar 12,5%-ǵa ósip, 133 mlrd teńgege jetti. Ekonomıkanyń qarqyndy damýy 4 387 jańa jumys ornyn qurýǵa múmkindik berdi.
