Oqý-aǵartý mınıstriniń birinshi orynbasary Natalá Jumadildaeva Tájikstan Bilim jáne ǵylym mınıstriniń orynbasary Abdýlzod Zıedýllomen kezdesti.
Taraptar eki eldiń bilim berý salasyndaǵy yntymaqtastyǵynyń perspektıvalaryn talqylady, dep habarlaıdy Almaty-akshamy.kz Oqý-aǵartý mınıstrligine silteme jasap.
Elimizge sapary barysynda tájik delegasıasy RİЅA halyqaralyq reıtıńiniń nátıjeleri boıynsha Qazaqstannyń tájirıbesin zerdeleıdi.
«Jańa jobalar men bastamalar bizdiń birlesip jumys isteýimizge jáne joǵary nátıjelerge qol jetkizýge keń múmkindikter ashady. Bizdiń bilim berý salasyndaǵy yntymaqtastyǵymyz halyqtarymyz ben mádenıetterimizdi odan ári jaqyndastyrýǵa yqpal etetinine senimdimin», - dep atap ótti Natalá Jumadildaeva.
Esterińizge sala keteıik, PISA nátıjeleri boıynsha Qazaqstan matematıka jáne jaratylystaný pánderi boıynsha úzdik 50 eldiń qataryna kirgen bolatyn. Jaratylystaný pánderinen kórsetkishterdi 26 balǵa arttyryp, matematıka jáne oqý boıynsha nátıjelerdi saqtap qaldy. Sapar aıasynda QR Oqý-aǵartý mınıstrliginiń Y.Altynsarın atyndaǵy Ulttyq bilim akademıasy men Tájikstan Bilim jáne ǵylym mınıstrliginiń Bilim akademıasy arasynda yntymaqtastyq týraly memorandýmǵa qol qoıyldy.