Bul aqshanyń 1 mln dollaryn brıtandyq boksshy soǵystan zardap shekken Ýkraınaǵa beredi
Asa aýyr salmaqta álemniń absolútti chempıony ataǵyn sarapqa salǵan Aleksandr Ýsık pen Taıson Fúrıdiń qansha aqsha alatynyn belgili boldy, dep habarlaıdy almaty-akshamy.kz.
The Independent basylymynyń jazýynsha, jalpy júlde qory 150 mıllıon dollar bolyp bekitilgen. Jekpe-jektiń nátıjesine qaramastan bul somanyń 70 paıyzyn Taıson Fúrı alsa, qalǵan 30 paıyzy Ýsıkke tıesili. Iaǵnı, brıtandyq boksshy shamamen – 105 mln dollar, ýkraınalyq – 45 mln dollar alady.
Jekpe-jek aldynda qos boksshy ózara ýaǵdalasyp, Ýsık Fúrıdi gonorarynyń 1 mln dollaryn Ýkraınaǵa berýdi kóndirgen eken.
Kelisimshartqa sáıkes, Fúrı men Ýsık bıyl qazan aıynda mach-revansh ótkizýi tıis.