Taıland elge kiretinderden vaksınalaý pasportyn qaıta talap ete bastady.

2023 jyldyń 9 qańtarynan bastap Taılandqa barǵan jolaýshylardyń bári (18 jastan asqan) koronavırýsqa qarsy keminde eki doza vaksına alǵanyn rastaıtyn pasportty kórsetýi qajet, dep habarlaıdy Almaty-akshamy.kz tilshisi «Air Astana» áýe kompanıasynyń baspasóz qyzmetine silteme jasap.

Vaksınanyń ekinshi komponenti elge kirýden keminde 14 kún buryn alynýy kerek. Al, jolaýshylardyń 5%-y PTR-test tapsyrady.

«Vaksınalanbaǵan jolaýshylar dárigerden keminde keıingi jarty jylda (180 kún) koronavırýstan jazylǵanyn rastaıtyn hat nemese anyqtama alýy tıis. DDU men Taılandtyń Qoǵamdyq densaýlyq saqtaý mınıstrligi maquldaǵan vaksınalar tizimin siltemege ótip, kórýge bolady.

Taılandta koronavırýs juqtyryp alyp, óz eliniń talaptary qaıtýǵa ruqsat bermeıtin jolaýshylarda koronavırýstan emdelý shyǵyndaryn qarastyratyn medısınalyq saqtandyrýy bolýy kerek. Jumys boıynsha saıahattaýshylar, onyń ishinde ekıpaj músheleri bul talapty oryndaý úshin qabyldaýshy jaqtan hat usyna alady», - delingen áýe kompanıa habarlamasynda.

Vaksınalaý men saqtandyrý talabynyń taı pasporty barlarǵa, sondaı-aq tranzıtpen saıahattaýshy jolaýshylarǵa qatysy joq. Olar baratyn eliniń talabyn saqtaýy kerek.