Jetisý oblysynda departament basshysy para aldy degen kúdikke ilindi, dep habarlaıdy Almaty-akshamy.kz BAQ.KZ-ke silteme jasap.
Jetisý oblysy boıynsha Cybaılas jemqorlyqqa qarsy qyzmet Densaýlyq saqtaý mınıstrligi Medısınalyq jáne farmasevtıkalyq baqylaý komıteti oblystyq departamenti basshysynyń zańsyz qyzmetiniń jolyn kesti.
Sheneýnik medısınalyq qyzmet kórsetý jáne tıisti lısenzıa berý jónindegi qyzmetin jalpy qamqorlyǵy úshin kásipkerlerden júıeli negizde para aldy degen kúdikke ilinip otyr. Sotqa deıingi tergeý jalǵasyp jatyr, - dep aqparat taratty Cybaılas jemqorlyqqa qarsy qyzmet agenttiginiń baspasóz qyzmeti.
Departament basshysy men para berýshilerge qatysty qorytyndy sheshimdi sot qabyldaıdy.
Qylmystyq-prosestik kodeksiniń 201-babyna sáıkes ózge aqparat jarıa etýge jatpaıdy.
Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.