Almatyda Maılın kóshesi boıynda «Avıator» zamanaýı de shynyqtyrý-saýyqtyrý kesheniniń qurylysy bastalady
Almatynyń Túrksib aýdanynda osy jyldyń qyrkúıek aıynda taǵy bir deneshynyqtyrý-saýyqtyrý kesheniniń (DSK) qurylysy bastalady. Bul týraly qala basshysy Erbolat Dosaev aýdan turǵyndarymen kezdesýde málimdedi. DSK Maılın kóshesinde ornalasady, dep habarlaıdy aqshamnews.kz
«Qurylys-montajdaý jumystaryn aıaqtaý 2026 jyldyń tórtinshi toqsanyna josparlanýda», - dedi Erbolat Dosaev.
Aıta keteıik, osy jyldyń aqpan aıynda Túrksib aýdanyndaǵy Jas Qanat sh/a kúnine 600 adam qabyldaı alatyn den shynyqtyrý-saýyqtyrý keshen ashylǵan edi.
Esterińizge sala keteıik, ótken jyly Almatyda Zerdeli shaǵyn aýdanynda kúnine 400 kelýshige arnalǵan deneshynyqtyrý-saýyqtyrý kesheni ashyldy. Sondaı-aq Shuǵyla, Saıaly sh/a jáne erekshe qajettilikteri bar adamdarǵa arnalǵan sport ortalyǵyn salýǵa JSQ ázirleý júrgizilýde.
Den shynyqtyrý-saýyqtyrý keshenderi sportpen shuǵyldanýǵa, sporttyq is-sharalardy ótkizýge arnalǵan qurylystar bolyp tabylady. DSK-de sport, boks jáne horeografıalyq zaldar, ústel oıyndary zaldary jáne basqalarybar. Normatıvterge sáıkes ortalyqtar kıim-keshek jáne dýsh bólmelerimen, sondaı-aq múmkindigi shekteýli azamattarǵa beıimdelgen sanıtarlyq toraptarmen jabdyqtalǵan.