Memlekettik kirister komıteti keıbir blogerlerdiń tabysyn jasyryp, salyqtan jaltaryp júrgenin málimdedi.
Komıtet túrli aqparat kózderinen alynǵan derekterdi zerttep, salyq deklarasıalarynyń málimetterimen salystyrǵan, dep habarlaıdy aqshamnews.kz
Sonyń qorytyndysy boıynsha 594 tulǵaǵa 53,3 mlrd teńge boıynsha tabysqa sáıkessizdik anyqtalǵan. Sonyń nátıjesinde aǵymdaǵy jyldyń 13-14 aqpan aralyǵynda «kiristerdi tómendetý» buzýshylyqtary boıynsha kameraldyq baqylaý habarlamalary jiberilgen.
«Habarlamany oryndaý maqsatynda derbes eseptelgen salyqtardy tóleı otyryp, qosymsha salyq eseptiligin tapsyrylady nemese habarlamamen kelispegen jaǵdaıda túsindirmeni usyný qajet. Habarlamanyń oryndalý merzimi 30 jumys kúnin quraıdy», – delingen komıtet habarlamasynda.
Sonymen qatar, salyqshylar tabys alý kezinde salyqtardy tóleý qajettiligine, onyń ishinde ártúrli ınternet-resýrstarynda onlaın-jarnamalardy jarıalaýǵa (aqparattyq ónimderdi jyljytý nemese satý, ártúrli oqytý kýrstaryn satý, utys oıyndaryn ótkizý jáne t.b.) nazar aýdarady. Kórsetilgen mindettemeler Konstıtýsıa men Salyq kodeksinde belgilengenin eskertedi.