Bankter kimge nesıe berýge bolatynyn, kimge berýge bolmaıtynyn qalaı anyqtaıdy? Tabysy tómen mamandyq ıeleri syrt qalady ma?
AINUR, Almaly aýdany.
Banktiń kredıt komıteti qaryzgerdi tańdaǵanda onyń basqa nesıeleri bar-joqtyǵyn, budan buryn alǵan nesıelerin qalaı tólegenin, tabysyn esepke alady. Qarjy uıymdarynyń bul suraqqa resmı jaýaby osyndaı bolyp keledi. Biraq beıresmı aqparatqa súıensek, bankter qarjygerler men zańgerlerge nesıe berýden qatty saqtanady. Olardyń tabysy, tipti birneshe myń dollar bolsa da nesıege ótinishin maquldamaıdy. Óıtkeni, osy eki mamandyq ıeleri kelisimsharttyń búge-shigesin jaqsy biletindikten, erteń bank menedjerleriniń eki aıaǵyn bir etikke tyǵýy múmkin.
Sondaı-aq, qomaqty kredıt alyp, zań boıynsha bankti «laqtyratyndardyń» deni zańgerler degen málimet te bar. Odan ózge kólik júrgizýshileri, polısıa, ulttyq qaýipsizdik qyzmeti jáne áskerıler nesıe berilmeıtin mamandyqtardyń beıresmı tizimine kiredi.