Ábilhan Qasteev atyndaǵy QR Memlekettik óner mýzeıinde qazaqstandyq uıǵyr sýretshisi Rýslan Iýsýpovtyń (1950-2021) «Sharyn ańyzdary» atty jeke kórmesi ashyldy.
Kórmege 30-dan astam keskindeme týyndylary usynyldy.
Rýslan Iýsýpovtyń shyǵarmalary ómir qubylystaryn poetıkalyq jáne fılosofıalyq turǵyda beıneleýmen erekshelenedi. Ónertanýshy R.Erǵalıevanyń aıtýynsha, onyń barlyq kartınasynda «mıstısızm rýhy, bolmystyń qupıalaryn ashýǵa degen umtylys bar».
«Kórermenge usynylǵan peızajdyq kartınalar toptamasy 2005-2013 jyldar aralyǵynda jazylǵan jáne elimizde ornalasqan Sharyn shatqalynyń biregeı tabıǵı landshaftyna arnalǵan. Tabıǵattyń tańǵajaıyp pishini men tas relefterinde sýretshi bizdiń jerimizdiń ótkeniniń keremet jańǵyryqtaryn ajyratady, shatqaldyń ústinde máńgiliktiń rýhyn jetkizýge tyrysady. Kartınalardyń árqaısysy keń assosıatıvti jáne metaforalyq maǵynaǵa ıe», – deıdi kórmeniń kýratory, atalmysh mýzeıdiń jetekshi ǵylymı qyzmetkeri, ónertaný kandıdaty Amır Jadaıbaev.