107 myń kólik zańdastyrylǵan
El arasynda "konstrýktor kólik" atalyp ketken mashınalardy zańdastyrýǵa ruqsat berildi. Sarapshylar bul sheshim Qazaqstanǵa ákelinetin eski kólikterdiń kóbeıýine sebep bolady dep esepteıdi, dep habarlaıdy Almaty-akshamy.kz.
Jyl basynda burynǵy tirkeýden shyǵarylǵan jáne kedendik tazartýdan ótken kólikterdi tirkeýge ruqsat berilgen edi. Sodan beri 107 myń kólik zańdastyrylǵan, dep málimdedi qazaqstan.kz.
QR İİM Ákimshilik polısıa komıtetiniń erekshe tapsyrmalar jónindegi aǵa ınspektory Araı Qultuqaevanyń sózinshe, QR aýmaǵyna kedendik baqylaýdan ótetin kezde ondaı kólikter saıman retinde, bólshek retinde rásimdelgen. Negizinen bular tolyqqandy kólik quraly bolyp sanalady.
Mundaı kólikterdi tirkeý kuny 200 myń teńge. Zańdastyrý úshin kólik ıeleri ishki ister organdarynan kólikti tekserý aktisin alyp, tehnıkalyq qaraýdyń dıagnostıkalyq kartasyn jasaý qajet. İshki ister mınıstrligi qazir osyndaı 14 myń kólik bar ekenin anyqtaǵan. Biraq, shynynda odan kóp bolýy múmkin.
Avtosarapshy Edýard Edokov ondaı kólikterdi anyqtaý óte qıyn ekenin aıtady.
"Tipti, olar ózge elde qurastyrylǵan joq, Qazaqstanǵa bólshektep kirgizildi degenniń ózinde olar osynda qaı jerde qurastyrylǵany belgisiz. Mysaly, zaýyttar bólshekterdi syrttan ákelip, osynda qurastyryp, onyń qaýipsizdigine kepildik bere alady. Al, mundaı kólikterdiń qaýipsizdigine kim jaýapkershilik alady?", – deıdi avtosarapshy.
Edýard Edokov sondyqtan mundaı kólikterdi zańdastyrýǵa túbegeıli qarsy. Óıtkeni, bul jeńildik syrttan kólik ákelýshilerdi odan saıyn kóbeıtedi dep eseptpeıdi. Sebebi, bir jeńildik jasalǵanyn kórgender taǵy da úmittenýi múmkin.