Kásipkerlerdiń quqyqtaryn qorǵaý jónindegi qyzmet sheńberinde prokýratýra organdary bıznes sýbektilerine jarnama salyǵyn esepteý kezinde zańdylyqtyń jaı-kúıine taldaý júrgizdi, dep habarlaıdy Almaty-akshamy.kz Azattyq Ruhy-na silteme jasap.
Kásipkerlerden belgiler úshin syrtqy jarnama retinde salyq tólemderi barlyq jerde alynǵany anyqtaldy.
Alaıda «Jarnama týraly» zańǵa sáıkes, belgige salyq salynbaıdy, óıtkeni ol syrtqy (vızýaldy) jarnama bolyp tabylmaıdy.
«Mundaı tájirıbe ákimdikterdiń fıskaldyq organdarǵa jarnama retinde anyqtaı otyryp, belgini paıdalanatyn kásipkerler týraly málimetterdi usynýy nátıjesinde qalyptasty. Mysaly, Almaty oblysynda ákimdik jarnama úshin salyq tóleýshi retinde «A.» JK týraly málimetterdi jibergen kezde ǵımarattyń tóbesindegi dúkenniń belgisi ǵana alyndy. Sonymen qatar, Qyzylorda oblysynda bıznes obektilerinde úgit materıaldaryn ornalastyrǵany úshin 18 kásipkerge salyqtyq tólemderdi negizsiz esepteý faktisi anyqtaldy, olar da zań talaptaryna sáıkes salyq salýǵa jatpaǵan», - delingen Bas prokýratýranyń habarlamasynda.
Jalpy, prokýrorlar 1600-den astam zańsyz salyq alý faktisin anyqtady.
Búginge prokýrorlyq qadaǵalaý aktileri boıynsha 12 laýazymdy tulǵa tártiptik jaýapkershilikke tartyldy, 725 bıznes sýbektisiniń quqyqtary qorǵaldy, 12 mln teńgeden astam qarajat kásipkerlerge qaıtaryldy.