Búgin Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy vızalyq talaptardan ózara bosatý týraly kelisim kúshine endi, dep habarlaıdy almaty-akshamy.kz.
QR Syrtqy ister mınıstrligi Qazaqstan men Qytaı arasyndaǵy vızasyz rejım týraly kelisimniń kúshine enýi týraly túsindirip ótti:
Osy Kelisimniń 1-babyna saı eki eldiń azamattary jeke isterdi, týrızmdi, em qabyldaýdy, halyqaralyq tasymaldardy, tranzıttik, sonymen qatar iskerlik maqsattardy júzege asyrý úshin vızalyq talaptardan bosatylady. Osy rette azamattardyń eki memleket aýmaǵynda bolý merzimi kúntizbelik 30 (otyz) kúnnen aspaıtyn merzimdegi kezeńge, al kúntizbelik 180 (júz seksen) kún ishinde jıyntyǵynda kúntizbelik 90 (toqsan) kúnnen aspaýy qajet.
"Azamattar 30 kúnnen artyq bolýy qajet bolsa, tıisti sanattaǵy kirý vızasyn aldyn ala rásimdeý qajet. Vızasyz rejım jumysqa ornalasýǵa, oqýǵa jáne mısıonerlik qyzmet jasaýǵa quqyq bermeıdi. Joǵaryda atalǵan Kelisim QHR Gonkong jáne Makao arnaıy ákimshilik aýdandarynyń aýmaǵyna barýǵa qoldanylmaıtynyn atap ótemiz. Qazaqstan azamattary Gonkongqa vızasyz 14 (on tórt) kúnnen aspaıtyn merzimge bara alady, al Makaoǵa barý úshin vıza rásimdeý qajet", - delingen Qazaqstannyń Syrtqy ister mınıstrligi habarlamasynda.
Eskererlik jaıt, qazaqstandyqtar 34 elge vızasyz bara alady.