Qyzylorda kúrishine ishki naryqta da, syrtqy elder tarapynan da suranys joǵary.
Daqyl Eýropanyń 8 eline eksporttalyp, jyl basynan beri 16 myń tonna ónim jóneltildi. Premer-Mınıstrdiń orynbasary Serik Jumanǵarın óńirde ótken respýblıkalyq kúrishshiler jármeńkesine qatysyp, kásipkerlermen kóshpeli májilis ótkizdi, dep habarlaıdy Almaty-akshamy.kz.
Jyl saıyn syrboıylyq dıhandar 80 myń gektardan astam alqapqa kúrish egip, jerden yrzyq-nesibesin kórip keledi. Sonyń ishinde, Lıder, Iantar, Syr sulýy sekildi kúrish sorttarynyń ónimdiligi joǵary. Qyzylordadaǵy kúrishshiler jármeńkesine elimizdiń barlyq oblysynan 120 delegat arnaıy kelip, jergilikti sharýashylyqtarmen deldalsyz tikeleı qarym-qatynas ornatýǵa múmkindik aldy.
İshki naryqpen qatar eksporttyń da áleýetin arttyrý qajet. Premer-mınıstrdiń orynbasary, Saýda jáne ıntegrasıa mınıstri Serik Jumanǵarın kásipkerlermen tildesip, olardyń usynys-pikirlerin tyńdady. Sondaı-aq, Naǵı İlıasov aýylyna baryp, kúrish ósirip jatqan sharýalardyń tynys-tirshiligimen tanysty.
«Áleýmettik kásipkerlik korporasıa sheńberindegi jumysyn tolyǵymen basqasha jasap jatyrmyz. Sebebi, onyń maqsaty tikeleı qarajatty sharýalarǵa, otandyq óndirýshilerge jetkizý», - deıdi QR Premer-Mınıstriniń orynbasary, Saýda jáne ıntegrasıa mınıstri Serik Jumanǵarın.
Premer-Mınıstrdiń orynbasary azyq-túlik baǵasyn turaqtandyrý boıynsha kóshpeli májilis ótkizdi. Jıynda «Taýarlardy qadaǵalaýdyń ulttyq júıesi» pılottyq jobasy týraly keńinen aıtyldy. Sondaı aq ónim óndirýshilermen ár óńirden kelgen ákimdik ókilderi ózara tıimdi kelisim-shartqa otyrdy.