Syılastyq shkalasy degenimiz ne?!
El arasynda «Syılaǵannyń qulymyz» dep jatady. Asa tereń aıtylǵan oı. Búgingideı qarbalas zamanda osy sózdiń tipti de qadiri artqan sıaqty.
Syılastyq úlgisi. Sózimiz jandy bolýy úshin shejireni sóıletelik. Tarıhta patsha ókimetine qarsy shyqqan Mahambet pen Isataı batyrlar ótken. Olardyń Otan aldynda jasaǵan erligi, batyldyǵy, batyrlyǵy bólek áńgime. Mahambet atamyz serigi, jan dosy Isataı batyrǵa degen syılastyǵy erekshe bolǵanǵa uqsaıdy. Tipti dúnıeden ótken shaǵynda qımaýy, óleń arnaýy osynyń dáleli desek, artyq aıtpaǵandyq. Barlyǵyn saralaǵanda, dostyqtyń bastaýy syılastyqta tur der edik.
Sondaı bir kórinisti Kenesary han týraly ańyzdan baıqaımyz. Hannyń áskeri aldyndaǵy abyroıy tym bıik bolypty. Birde 500 jasaǵymen urysta jaý qorshaýynda qalypty. Sonda ózennen óte almaı jatqan tusta úzeńgilesteri oǵan óz atyn usynyp, qorshaýdan shyǵýǵa, aman-esen qalýyna jandaryn salypty. Osyndaı shyn yqylasty qurmet jıi qaıtalanǵanǵa uqsaıdy. Biraq, Han Kene esh ýaqytta óz sarbazdaryn jaý qolyna qaldyrmapty. Syılastyqtyń aıryqsha belgisine osy oqıǵany qalaısha jatqyzbaımyz?!
Toptaý. Burynǵy ǵulamalar «Dúnıeniń eń táttisi – syılastyq» depti. Joǵarydaǵy mysaldardy toptaǵandaǵy shyǵatyn oı osy. Al syılastyqty bildirýdiń joldaryn árkim ózi biler. Syıly bolý – abyroı, syılaı bilý – adamdyq demekpiz.