Mundaı múmkindik erli-zaıyptylarǵa, jaqyn týystarǵa beriledi
Bul týraly Májilis otyrysynda elimizdiń Qarjy naryǵyn retteý jáne damytý agenttiginiń tóraǵasy Mádına Ábilqasymova málimdedi, dep habarlaıdy Almaty-akshamy.kz Qazaqtv.com saıtyna silteme jasap.
Qazaqstandyqtardyń zeınetaqy jınaqtaryn biriktire alatyn jańa zań jobasyn Parlamenttiń tómengi palatasynyń depýtattary birinshi oqylymda maquldady.
«Eger erli-zaıyptylardyń birinde zeınetaqy jınaǵy jetpeı, al ekinshisinde artyq bolsa, olar zeınetaqy jınaqtaryn qosyp, zeınetaqy anýıtetin satyp ala alady», - dedi QR Qarjy naryǵyn retteý jáne damytý agenttiginiń tóraıymy Mádına Ábilqasymova.
Bıylǵy jyldan bastap Qazaqstanda zeınetaqy anýıteti aıtarlyqtaı arzandaǵanyn aıta ketken jón. Endi ony alý úshin er adamdarǵa 6,7 mln teńge, al áıelderge 9 mln teńge jınaý kerek. Anýıtettik tólemderdi saqtandyrý kompanıasy ómir boıy aı saıynǵy negizde jáne jyl saıyn ındeksteýmen, ıaǵnı jyl saıyn kem degende 5% ósýmen júzege asyrady.