Sybaılas jemqorlyqqa qarsy saıasat – sybaılas jemqorlyq táýekelderin azaıtýǵa, qoǵamnyń memlekettik organdar qyzmetine senimin arttyrýǵa baǵyttalǵan quqyqtyq, ákimshilik jáne uıymdastyrýshylyq sharalar jıyntyǵy.
Sybaılas jemqorlyqqa qarsy is-qımyl týraly Qazaqstan Respýblıkasynyń 2015 jylǵy 18 qarashadaǵy № 410-V Zańyna sáıkes sybaılas jemqorlyqqa qarsy is-qımyldyń negizgi qaǵıdattary mynalar bolyp tabylady:
- zańdylyq;
- adam men azamattyń quqyqtaryn, bostandyqtary men zańdy múddelerin qorǵaý basymdyǵy;
- jarıalylyq pen ashyqtyq;
- memleket pen azamattyq qoǵamnyń ózara is-qımyly;
- sybaılas jemqorlyqqa qarsy is-qımyl sharalaryn júıeli jáne keshendi paıdalaný;
- sybaılas jemqorlyqtyń aldyn alý sharalaryn basym qoldaný;
- sybaılas jemqorlyqqa qarsy is-qımylǵa járdem kórsetetin adamdardy qorǵaý jáne kótermeleý;
- sybaılas jemqorlyq quqyq buzýshylyqtardy jasaǵany úshin jazanyń bultartpastyǵy.
Sybaılas jemqorlyqqa qarsy is-qımyldyń maqsaty – qoǵamda sybaılas jemqorlyqqa tózbeýshilik ahýalyn qalyptastyrý, sybaılas jemqorlyq quqyq buzýshylyqtarǵa yqpal etetin jaǵdaılar men sebepterdi anyqtaý jáne olardyń saldaryn joıý.
Sybaılas jemqorlyq – bul ǵalamdyq másele, odan álemniń birde-bir memleketi, birde-bir saıası júıe, birde-bir saıası tártip qorǵalǵan emes. Sondyqtan bul indetke birlese qarsy turýymyz qajet.
Qoǵamnyń barlyq kúsh-jigerin biriktirip, osy derttiń odan ári ýshyqpaýyna jol bermeı, ony toqtatýdyń barlyq amaldaryn qoldaný arqyly ǵana bul qubylysqa tıimdi túrde qarsy turýǵa bolady. Sondyqtan sybaılas jemqorlyqpen kúresý – barlyq Qazaqstan Respýblıkasy azamattarynyń azamattyq boryshy dep bilý qajet.