2023 jyly megapolıstiń 8 turǵyny jemqorlyq faktilerin áshkereleýge kómekteskeni úshin aqshalaı syıaqy aldy.
Bul týraly ÓKQ brıfıńinde QR Sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń basshysy Arman Rahımov aıtty, dep habarlaıdy Almaty-akshamy.kz.
Sondaı-aq, jyl basynan beri sybaılas jemqorlyq faktilerin habarlaǵan bes tulǵa marapattaldy. Onyń ishinde úsheýi jalpy somasy 741 myń teńge aqshalaı syıaqy alsa, qalǵan eki memlekettik qyzmetker alǵys hattarmen marapattaldy.
Sybaılas jemqorlyqqa qarsy qyzmet ókili azamattardan bólek memlekettik qyzmetkerler de sybaılas jemqorlyq faktileri týraly habarlaıtynyn atap ótti.
«Almaty qalalyq departamentine sot ákimshiliginiń mamany oǵan qamaýdan bosatý týraly qaýlyny shyǵarýdy jedeldetý úshin para berý faktisi týraly aryzben júgingen. Bul fakt boıynsha atalǵan quqyq buzýshylyqty jasaǵan tulǵaǵa qatysty aıyptaý úkimi shyǵaryldy. Óz kezeginde, maman sybaılas jemqorlyqpen kúreste kómek kórsetkeni úshin alǵys hatpen marapattaldy», - dedi A. Rahımov.
ÓKQ spıkeri atap ótkendeı, bul bir ǵana jaǵdaı emes. Sol sıaqty, shekara áskerleriniń qyzmetkeri qaıta tekserýden keıin rastalǵan zańsyz quqyq buzýshylyq faktisi týraly habarlap, kóshi-qon salasyndaǵy zańnamanyń buzylýynyń aldyn aldy.
Sybaılas jemqorlyqqa qarsy kúreske Almaty qalasy turǵyndaryn da belsene atsalysýǵa shaqyrady. Naqty zań buzýshylyq faktileri týraly Sybaılas jemqorlyqqa qarsy qyzmettiń 1424 telefony arqyly baılanys ortalyǵyna habarlaýǵa nemese Agenttiktiń aýmaqtyq departamentterine júginýge bolady.