Sút ónimderiniń joǵary sapasy men qaýipsizdigin qamtamasyz etýge baǵyttalǵan ózgerister kúshine enedi.
Bul ózgerister sút ónimderiniń joǵary sapasy men qaýipsizdigin qamtamasyz etýge baǵyttalǵan, dep habarlaıdy Almaty-akshamy.kz
«Bıylǵy 22 qyrkúıekten bastap Eýrazıalyq ekonomıkalyq komısıa Keńesiniń 2022 jylǵy 23 qyrkúıektegi №143 sheshimi negizinde «Sút jáne sút ónimderiniń qaýipsizdigi týraly» tehnıkalyq reglamentine eleýli ózgerister kúshine enedi. », - delingen Qazaqstan standarttaý jáne metrologıa ınstıtýtynyń málimetinde.
2013 jyldan tehnıkalyq reglament alǵash ret qoldanysqa engizilgen kezde, ony qoldaný praktıkasy sút ónimderin óndirýshilerge de, tutynýshylarǵa da qatysty birqatar mańyzdy másele boıynsha naqtylaý jumysy qajet ekeni anyqtaldy.
Atalǵan ınstıtýt sarapshylarynyń aıtýynsha, ósimdik maılarynyń qosylǵany týraly aqparatty sút ónimderi quıylǵan qaptamada mindetti túrde ornalastyrý negizgi ózgeristerdiń biri sanalady. Bul óz kezeginde adamdarǵa ónimdi satyp alý kezinde durys málimet alýyna yqpal etedi.
Sonymen qatar, balalar taǵamy ónimderin sáıkestendirýdiń fızıka-hımıalyq kórsetkishteri ózgerdi. Bul rette D dárýmeni mólsheriniń shekti deńgeıi ulǵaıtyldy. Osy ózgerister balalar taǵamyn óndirýdi turaqtandyrýǵa jáne tutynýshylardy joǵary sapaly ónimdermen qamtamasyz etýge múmkindik beredi.
Jańa túzetýde aıran, súzbe, qurt sıaqty ulttyq sút ónimderi qamtylyp, olardyń naryqqa keńinen shyǵarý eskerilgen.