Almaty ákimimen kezdesýlerde aıtylǵan qala turǵyndarynyń problemalary qalaı sheshiledi
Almaty ákimi Erbolat Dosaev Naýryzbaı aýdanynyń turǵyndarymen kezekti kezdesý ótkizdi. Qala ákimdiginiń baspasóz qyzmeti 2023 jyldyń tamyz aıynda aýdan turǵyndarymen kezdesýde megapolıs basshysynyń bergen tapsyrmalarynyń oryndalǵany týraly aıtyp berdi.
Sodan keıin turǵyndar komýnaldyq ınfraqurylymmen qamtamasyz etý, joldardy jóndeý, kóshelerdi jaryqtandyrý, mektepke deıingi uıymdarda oryn tapshylyǵy jáne t.b. máselelerdi kótergen bolatyn.
Nátıjesinde 2023 jyly aýdannyń 170 kóshesindegi shuńqyrlar joıyldy, 1000 lúkter túzeldi,100 lúk pen jańbyr qaqpaqtary aýystyryldy. Sondaı-aq jaramsyz bolyp qalǵan aryq naýalaryn aýystyrý jumystary júrgizildi. Ortasha jóndeý aıasynda Qalqaman, Shuǵyla jáne Tastybulaq shaǵyn aýdandarynyń uzyndyǵy 13,9 km 18 kóshesinde jumystar júrgizildi.
- Sondaı-aq, Shuǵyla sh/a sý qubyry jelileriniń tartylyp qalýyna qatysty shaǵymdar boldy. Ótken jyldyń qorytyndysy boıynsha 28 km sý qubyry men kárizdiń qurylysy aıaqtaldy.
- Budan basqa, "Halyq qatysatyn búdjet" baǵdarlamasy aıasynda jalpy uzyndyǵy 48 km bolatyn 57 kóshe men tuıyq kóshelerde syrtqy jaryqtandyrý jelileri salyndy, 800 tirek ornatyldy.
- Kezdesýde gúlzarlar men saıabaq aımaqtaryndaǵy jasyl jelekterge kútim jasaý, atap aıtqanda ýaqtyly sýarý máselesi kóterildi. Nátıjesinde Alataý, Nurmuhamedov kósheleriniń ýchaskelerinde jáne "Aqjar" skverinde avtomattandyrylǵan sýarý júıesi ornatyldy.
Aýdannyń ózekti máseleleriniń biri-mektepke deıingi jáne mektep mekemelerinde oryn tapshylyǵy. Qala ákiminiń tapsyrmasy boıynsha qazan aıynda Shuǵyla sh/a №174 mektepke 375 oqýshyǵa arnalǵan qosymsha qurylys jumystary bastaldy. "Mektep avtobýsy" jobasy aıasynda jeti mektepke 2939 oqýshyny qamtıtyn 32 avtobýs bólindi. Sondaı-aq jeltoqsan aıynda Quramys jáne Shuǵyla shaǵyn aýdandarynda 640 oryndyq eki balabaqshanyń qurylysy bastaldy. Sonymen qatar, 2023 jyly aýdanda 806 oryndyq 16 jeke balabaqsha ashyldy.