Almatyda 1967 jyldan bastap paıdalanylyp kele jatqan qubyrdy aýystyrý úshin Súıinbaı dańǵylynda kólik qozǵalysy shekteledi, dep habarlaıdy almaty-akshamy.kz «Almaty jylý jelileri» JSHS-ne silteme jasap.
2024 jyly 1 shildeden 31 tamyzǵa deıin Almatynyń Túrksib aýdanyndaǵy Súıinbaı dańǵylynda №375 úıden №419 úıge deıin kólik qozǵalysy shekteledi.
Atalǵan kóshede qozǵalys shyǵys jaqqa qaraı jabylady. Batys jaǵynda avtokólik úshin ekijaqty qozǵalys uıymdastyrylady.
1967 jyldan bastap paıdalanýǵa berilgen jalpy uzyndyǵy 506 metrlik qubyrdy aýystyrý kezinde qaýipsizdikti qamtamasyz etý úshin ýaqytsha shekteý engiziledi.
Esterińizge sala keteıik, qozǵalysty shekteýge qatysty barlyq aqparat almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalary» servısterinde jarıalanǵan.
Ýaqytsha qolaısyzdyqqa túsinistikpen qaraýdy jáne kórsetilgen aýmaqty aınalyp ótý joldaryn aldyn ala qarastyrýdy suraımyz.