QR Eńbek jáne halyqty áleýmettik qorǵaý mınıstrliginde vedomstvo basshysy Svetlana Jaqypovanyń tóraǵalyǵymen Adamdardy zańsyz áketýge, ákelýge jáne satýǵa qarsy kúres máseleleri jónindegi vedomstvoaralyq komısıanyń otyrysy ótti.
İs-sharaǵa ortalyq memlekettik jáne jergilikti atqarýshy organdardyń, sondaı-aq halyqaralyq jáne úkimettik emes uıymdardyń ókilderi, onyń ishinde Ortalyq Azıa boıynsha Halyqaralyq kóshi-qon jónindegi uıymynyń sýbóńirlik úılestirýshisi, HKU-nyń Qazaqstandaǵy, Qyrǵyzstandaǵy, Túrikmenstandaǵy jáne Ózbekstandaǵy mısıasynyń basshysy Zeınal Gadjıev qatysty, dep habarlaıdy Almaty-akshamy.kz.
Svetlana Jaqypova óziniń alǵy sózinde Adamdardy zańsyz áketýge, ákelýge jáne satýǵa qarsy kúres máseleleri jónindegi vedomstvoaralyq komısıanyń otyrystaryn ótkizý jónindegi jumys organynyń fýnksıalary Eńbekmınine berilgenin atap ótti.
«Keshe ǵana QR Parlamenti Senatynyń plenarlyq otyrysynyń eki oqylymynda «Adam saýdasyna qarsy is-qımyl týraly» jańa zań maquldandy. Bul qujattyń negizgi maqsattary: adam saýdasy qurbandarynyń quqyqtaryn, bostandyqtary men zańdy múddelerin, adam saýdasyna qarsy is-qımyl salasyndaǵy qoǵam men memlekettiń múddelerin qamtamasyz etý jáne qorǵaý. Zańǵa qol qoıylǵannan keıin Memleket basshysy zańǵa táýeldi aktilerdi ázirleý jáne bekitý boıynsha úlken jumys júrgizetin bolady», – dedi mınıstr.
Otyrys barysynda memlekettik eńbek ınspektorlarynyń májbúrli eńbek faktilerin anyqtaý boıynsha qabyldap jatqan sharalary týraly, jergilikti atqarýshy organdardyń zańsyz áketýge, ákelýge jáne adam saýdasyna qarsy kúres máseleleri boıynsha júrgizip jatqan jumysy týraly, sondaı-aq shetel azamattaryn-adam saýdasynyń qurbandaryn repatrıasıalaý máseleleri: HKU-nyń Qazaqstandaǵy 2000-2020 jyldardaǵy tájirıbesi týraly máseleler qaraldy.