Almaty qalasynyń Mádenıet basqarmasy megapolıs turǵyndary men qonaqtaryna Qala kúnin atap ótý aıasynda túrli merekelik baǵdarlama ázirlep qoıdy, sonyń ishinde erekshe atap ótýge turarlyǵy «Súıemin seni, Almaty» degen sımvolıkalyq ataýy bar street festival.
17-18 qyrkúıek kúnderi Abaı alańynda Abaı shyǵarmashylyǵyna arnalǵan teatrlandyrylǵan perfomans retro festıvali ótedi. Sopy keıiptegi akterler kórermenderdi belsendi akterlik is-áreketke tartady, al stıldengen mýza izdeýshi jas aqyndar shabytty kóptiń kózinen izdeıtin bolady. Shıyrshyq qaǵazdardaǵy aqyn óleńderi alańda qaıta jandanyp, al bul tańǵajaıyp kórinisti ótken ǵasyr kostúmderin kıgen hodýlıster tolyqtyrmaq. Kez kelgen adam qalaýy boıynsha qazaq ulttyq mýzykalyq aspaptary ınteraktıvi men qazaqy orıgamı jasaý boıynsha sheberlik synybyna qatysa alady. Sondaı-aq Abaı, Jambyl, Shoqan Ýálıhanov sıaqty tarıhı tulǵalar keıipindegi bıik fıgýralardyń sherýi de josparlanyp otyr.
Dál osy Abaı alańynda kompozıtor Shámshi Qaldaıaqovtyń uly, Abaı atyndaǵy QUOBT-nyń dırıjeri Muhtar Qaldaıaqovtyń basqarýymen estradalyq sımfonıkalyq orkestrdiń jáne Almaty sahnasyndaǵy aldyńǵy qatarly operalyq solıserdiń qatysýymen Abaı shyǵarmashylyǵyna arnalǵan jandy kosert ótedi. Kompozıtorǵa arnalǵan fotoaımaqtar men fotogalereıalar 60-70 jyldardaǵy Almaty atmosferasyn beıneleıtin bolady. Al váls bıleýshilerge arnaıy bı alańy uıymdastyrylady.