«Qazgıdromet» RMQK 17 qyrkúıekte Pavlodar oblysynyń ortalyǵynda óte joǵary órt qaupí kútíletínín málímdedí, dep habarlaıdy Almaty-akshamy.kz Inform.kz-ke sílteme jasap.
Osy kúní túnde Batys Qazaqstan oblysynyń basym bólígínde, kúndíz soltústígínde, ońtústík-shyǵysynda naızaǵaı túsedí. Jel ońtústíkten, ońtústík-shyǵystan soǵady, kúndíz oblystyń soltústígínde, ońtústík-shyǵysynda ekpíní 15-20 m/s deıín jel soǵady. O
Atyrau oblysynyń túnde shyǵysynda, kúndíz batysynda, soltústígínde naızaǵaı túsuí múmkín, al ońtústígínde tótenshe órt qaupí saqtalady.
«17 qyrkúıekte Aqmola oblysynyń ońtústígínde, batysynda kúndíz ońtústík-shyǵystan jel soǵady, ekpíní 15-20 m/s kútíledí. Oblystyń soltústígínde, ońtústík-shyǵysynda túnde 2 gradus úsík júredí.
Nūr-Sūltan qalasynda da túnde topyraq betínde 1 gradus úsík bolady», - dep jazdy vedomstvo.
Sınoptıkter osy kúní túnde Shyǵys Qazaqstan oblysynyń soltústígínde, shyǵysynda 2 gradus úsík saqtalatynyn habarlaǵan.
17-19 qyrkúıek aralyǵynda túnde Qaraǵandy oblysynyń soltústík-shyǵysynda 3 gradus úsík bolady.
Osy kúnderí Ūlytau oblysynyń da soltústík-shyǵysynda topyraq betínde 1 gradus úsík júredí.
17 qyrkúıekte Qyzylorda oblysynda tótenshe órt qaupí saqtalady.
Jetísu oblysynyń soltústígínde, shyǵysynda soltústík-shyǵystan jel soǵady, kúshí - 15-20 m/s. Túnde oblystyń ortalyǵynda jáne tauly audandarynda 1-6 gradus úsík saqtalady.
Osy túnníń bírínshí jartysynda Túrkístan oblysynyń tauly jáne tau bókterlí audandarynda, kúndíz taularynda naızaǵaı, dauyl kútíledí. Shyǵystan, ońtústík-shyǵystan jel soǵady, naızaǵaı kezínde ekpíní 15-20 m/s bolady. Oblystyń basym bólígínde tótenshe órt qauípí saqtalady.
«17 qyrkúıekte Qostanaı oblysynyń batysynda, soltústígínde naızaǵaı túsedí. Ońtústík-shyǵystan jel soǵady, joǵary órt qauptílígí saqtalady.
17-19 qyrkúıekte Jambyl oblysynyń tauly audandarynda naızaǵaı túsedí. Soltústík-shyǵystan jel soǵady, tótenshe órt qaupí kútíledí», - delíngen Qazgıdromet habarlamasynda.
Túnde jáne tańerteń Soltústík Qazaqstan oblysynyń soltústík-shyǵysyna tūman túsedí. Ońtústík-shyǵystan jel soǵady, kúndíz oblystyń soltústígínde, batysynda ekpíní 15-20 m/s. Túnde oblystyń ońtústík-shyǵysynda 2 gradus úsík kútíledí.