Mólsheri – 362 myń 250 teńge.
Almaty oblysynyń TJD shomylý kezinde negizgi erejelerdi saqtaýdy suraıdy, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
Shomylý maýsymy kezinde adamdardyń sýdaǵy qaýipsizdigin qamtamasyz etý maqsatynda Almaty oblysy TJD qyzmetkerleri kún saıyn óńirdiń sý aıdyndarynda profılaktıkalyq reıdter júrgizedi.
Oblystyń sý aıdyndarynda reıdter júrgizý barysynda sý aıdyndaryndaǵy qaýipsizdik erejelerin buzǵany úshin, atap aıtqanda, mas kúıinde sýǵa túsý jáne tyıym salynǵan jerlerde shomylǵany úshin 28 jeke tulǵa ÁQBK-niń 412-baby «Sý aıdyndaryndaǵy qaýipsizdik erejelerin buzý nemese oryndamaý» boıynsha ákimshilik jaýapkershilikke tartylyp, 362 myń 250 teńge somasyna aıyppul salyndy.
Negizinen, jazataıym oqıǵalarǵa mas demalýshylar, qaraýsyz qalǵan balalar jáne tyıym salynǵan jerlerde shomylatyn azamattar ushyraıdy.
Osyǵan baılanysty, Almaty oblysynyń TJD Sizden shomylý kezinde negizgi erejelerdi saqtaýyńyzdy suraıdy.