2023 jyldyń mamyr aıynda kespe baǵasy jyldyq mánde 26,8%-ǵa qymbattady.
Ulttyq statısıka búrosynyń málimetinshe, bul ónimniń bólshek saýdadaǵy bir kelisiniń ortasha baǵasy mamyrda 1213 teńgeni qurady, dep habarlaıdy Almaty-akshamy.kz.
Óńirler arasynda kespeniń eń qymbat baǵasy Atyraýda - 1525 teńge/kg, eń arzany Qonaev qalasynda 1009 teńge/kg.
Budan buryn elimizde bir jyl ishinde áleýmettik mańyzy bar azyq-túlik baǵasy qanshalyqty óskenin jazǵanbyz.
Aıta keteıik, 19 sáýirde Úkimettiń keńeıtilgen otyrysynda prezıdent Toqaev elimizde ınflásıa sońǵy 15 jylda bolmaǵan deńgeıge jetkenin aıtyp, úkimet músheleriniń baǵany ustap turýǵa baǵyttalǵan qadamdarynan esh nátıje joǵyn málimdedi.
«Jurttyń aı saıyn jumsaıtyn qarjysynyń teń jartysynan kóbi azyq-túlik alýǵa ketedi. Úkimettiń áreketi jetkiliksiz bolyp otyr. Tyıym salý jáne shekteý sharalary ýaqytsha ǵana áser etedi. Mundaı qadamdar qıyndyqtyń betin qaıtarsa da, odan birjola qutylýǵa múmkindik bermeıdi, tipti, máseleni ýshyqtyrady deýge bolady», – dedi memleket basshysy.
Sondaı-aq, jýyrda Májilis depýtaty Elnur Beısenbaev halyqtyń ortasha tabysy men qymbatshylyq jaıly resmı statısıka shyndyqqa saı kelmeıtinin aıtty.