Búgin Almaty qalasynda tańǵy saǵat 09:00 shamasynda jańbyr jaýady dep boljandy jáne kúni boıy jaýyn jaýýy múmkin.
Osyǵan baılanysty qalalyq Komýnaldyq ınfraqurylymdy damytý basqarmasy tańǵy 8-den bastap 46 patrúldik brıgadanyń jumysyn uıymdastyrdy, dep habarlaıdy Almaty-akshamy.kz
Tańerteń jańbyr qarqyndylyǵynyń jáne jeldiń ekpininiń kúsheıýine baılanysty aryq jelileri arqyly sýdyń kedergisiz ótýin qamtamasyz etý maqsatynda tańǵy 8-den bastap 46 patrúldik brıgada jumysqa shyqty. Sý tasqynynyń aldyn alý jáne joıý úshin barlyǵy 165 birlik arnaıy tehnıka, 26 motopompalar jáne 836 jol jumysshylary jumyldyryldy. 1825 qap qum jınaldy.
Aýdan ákimdikterinde jumys óndirisin baqylaý boıynsha kezekshilik uıymdastyryldy.
Almaty qalasyndaǵy «Qazgıdromet» RMK boljamy boıynsha keıde ortasha jańbyr jaýady, tańerteńnen 14:00 - ge deıin-qarqyndy, jeldiń ekpini 13 m/s deıin, jaýyn-shashyn 23 qyrkúıekke qaraǵan túnge deıin úzilispen boljanady. Kúndiz aýa temperatýrasy +12...+14 gradýs.
«Qolaısyz boljamdy eskere otyryp, biz júrgizýshilerdi jyldamdyqty tómendetýge, avtomobılder arasyndaǵy qashyqtyqty arttyrýǵa jáne apattar qaýpiniń joǵarylaýyna baılanysty kenetten manevrlerden aýlaq bolýǵa shaqyramyz.Jeldiń kútiletin kúsheıýine jáne aryq ótkelderin bitep tastaıtyn butaqtar men kezdeısoq qoqystardyń qulaýyna jáne jekelegen ýchaskelerde yqtımal sýtasqynyna baılanysty jaıaý júrginshilerdiń saq bolýdy suraımyz», dep habarlady basqarma.
