Pi-Pop velosıpedi energıany saqtaý úshin sýperkondensatorlardy paıdalanady. Lıtıı batareıalarynan aıyrmashylyǵy - olar is júzinde qorshaǵan ortaǵa zıansyz óndirilýi múmkin. Úshinshi býyn elektr velosıpediniń baǵasy 2500 eýroǵa jaqyndady, dep habarlaıdy Almaty-akshamy.kz Euronews saıtyna silteme jasap.
Eýropalyqtar jumysqa kóbine elektrjetegi bar paýerbaık minip barady. Paýerbaıkty zarádtaý qajet, al akýmýlátor óndirisi lıtıı tárizdi tabıǵı resýrstardy kóptep qajet etedi. Bul rette jerdiń sırek elementterin shyǵarýda ekologıa úshin qaýip kóp.
Fransýz kásipkeri Adrıen Lólevr revolúsıalyq sheshim oılap tapty.
STEE kompanıasynyń dırektory ári ónertapqysh lıtıı batareıalaryn emes, sýperkondensatorlardy paıdalanatyn Pi-Pop elektrlik velosıpedin patenttedi.
Sýperkondensatorlar - turaqty qýat emes, ımpúlstik qýat kózi. Olar qysqa ýaqyt ishinde joǵary qýat qajet bolǵan jaǵdaıda paıdaly.
Sýperkondensator energıany elektrostatıkalyq túrde saqtaý arqyly, ıaǵnı zarádti baıaý qozǵaltý arqyly jumys isteıdi. Lıtıı batareıasynda, kerisinshe, energıa hımıalyq reaksıa arqyly saqtalady.
Basqasha aıtqanda, sýperkondensator qajet kezde energıany óte tez jınap, qajet bolǵan jaǵdaıda bosatady. Adam velosıped basqyshyn aınaldyrǵanda energıa jınalyp, saqtalady, al tejeý nemese kóterilýden keıin qaıta iske qosý sıaqty kúrdeli áreketterde paıdalanylýy múmkin degendi bildiredi.
Orleandyq ónertapqysh Lólevr 20-kelilik Pi-Pop-ty «energıalyq saýlyqtyń sımvoly» dep atady.
Qazirgi kezde Pi-Pop aıyna 100 velosıped shyǵarýda. 2024 jylǵa qaraı kompanıa óndiristi aıyna myń velosıpedke deıin ulǵaıtýdy josparlap otyr.
«2025 jyly biz eýropalyq naryqqa shyǵý nıetimiz bar. Qazir qarjylandyrýdy tartý múmkindigin talqylap jatyrmyz», - dedi Lólevr.
Eýropada sýperkondensator ornatylǵan elektrlik velosıpedter segmenti úshin jaqsy perspektıvalar ashyldy, sebebi eýrodepýtattar 2024 jyldy «velosıped jyly» dep jarıalaýdy usyndy.