Elimizdegi ekinshi deńgeıli bankter sý tasqynynan zardap shekken qazaqstandyqtardyń nesıe boıynsha boryshyn óteý merzimin 3 aıǵa deıin keıinge qaldyrýǵa ázir.
Qaryzy bar tizimin turǵyndardyń tizimin jergilikti ákimdikter shyǵarady. Bul tizimderge kirgen azamattarǵa tólemdi keshiktirgeni úshin aıyppul men ósimpul salynbaıdy, dep habarlaıdy almaty-akshamy.kz Qazaqstan qarjygerler qaýymdastyǵyna silteme jasap.
Qazaqstan qarjygerler qaýymdastyǵy bankter sý tasqynynan zardap shekkender sanatyna jatqyzylǵan jeke jáne zańdy tulǵalarǵa nesıe boıynsha boryshtaryn óteý merzimin 2024 jyldyń 1 sáýirinen 30 maýsymyna deıin keıinge qaldyrýǵa daıyn ekenin rastady.
Jaqyn arada bankter óz saıttarynda jáne áleýmettik jelilerde keıinge qaldyrylǵan boryshty óteý boıynsha merzimdi uzartýdy usynýdyń naqty mehanızmderin túsinjiredi. Sondaı-aq ótinimderdi berý algorıtmin jáne odan keıingi áreketterdi jarıalaıdy.
Búgin Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtabtyń otyrysynda Memleket basshysy Qasym-Jomart Toqaev sý tasqynynan zardap shekkenderge kómek kórsetý úshin Úkimettiń, ákimdikterdiń jáne "Qazaqstan halqyna" qorynyń qarjysyn paıdalanýdy tapsyrdy.
Aıta keteıik, "Qazaqstan halqyna" qory sý tasqynynan zardap shekkenderge 5 mlrd teńge bóledi. Bul qarajat úı qurylysyna jumsalady.