Budan buryn biz ótemaqyny alý úshin qaıda barý kerektigin jazǵanbyz.
Eger kólik tabıǵı apat saldarynan buzylsa, zań boıynsha kólik ıelerine ótemaqy tólenýi kerek, dep habarlaıdy Almaty-akshamy.kz
Ótemaqy alýdyń tártibi tabıǵı sıpattaǵy tótenshe jaǵdaıǵa baılanysty bolǵan shyǵynnyń ornyn toltyrý týraly erejede kórsetilgen.
Mysaly tabıǵı apatqa deıin KASKO polısin rásimdegen nemese basqa da kompanıalarda tabıǵı apattardan saqtandyrylǵan kólikterge memleketten eshteńe tólenbeıdi. Bul jerde saqtandyrý kompanıasy 15 kún ishinde ótemaqy tóleýge mindetti.
Avtokólikti baǵalaý boıynsha birneshe talapqa nazar aýdarylady. Eń mańyzdysy – kóliktiń quny men shyqqan jyly. KASKO-nyń saqtandyrý baǵasy kólik qunynyń 2-den 5 paıyzyna deıin barady.
Keıingi jyldary óz erkimen kóligin saqtandyratyn azamattar sany artqan. Máselen byltyr saqtandyrý boıynsha shamamen 30 myń kelisimshart jasalǵan.