Bul 21 sáýirge deıin alynǵan bıletterge qatysty.
Elimizdiń birqatar óńirindegi sý tasqynyna baılanysty Air Astana áýekompanıasy jolaýshylarǵa 21 sáýirdi qosa alǵanda batys aımaqtaǵy qalalarǵa satyp alynǵan bılet qarajatyn tolyq qaıtarýdy usynady, dep habarlaıdy Almaty-akshamy.kz
"Jolaýshylardyń nazaryna! Elimizdiń birqatar óńirindegi sý tasqynyna baılanysty Air Astana áýekompanıasy jolaýshylarǵa 21 sáýirdi qosa alǵanda josparlanǵan Atyraý, Aqtóbe jáne Oral qalalaryna barlyq reıs úshin satyp alý orny boıynsha qarajatty tolyq qaıtarýdy usynady. Jolaýshylar yńǵaılyǵy úshin aıyppulsyz 15 mamyrǵa deıin qaıta brondaý múmkindigi beriledi", - delingen habarlamada.
Air Astana toby qajet bolǵan jaǵdaıda zardap shekkenderge ushý múmkindigin qamtamasyz etý úshin tasymaldaý syıymdylyǵyn 2500-den astam orynǵa arttyryp, Atyraýdan qosymsha 14 reıs iske qosty. Áýe kompanıasynan myna baılanys nomerleri arqyly qosymsha aqparat alýǵa bolady: +7 727 244 4477, +7 7172 584477, +7 702 702 4477, +7 705 927 4477 WhatsApp: +7 702 702 00 74 (24/7)