El boıynsha sý tasqynyna qarsy is-sharalarǵa belsendi qatysqan volonter sany 43 myńnan asty.
Volonterler kúshimen 6640 tonnaǵa jýyq gýmanıtarlyq kómek jınaldy, onyń 4048 tonnasy «qyzyl» aımaqtarǵa jetkizildi jáne zardap shekken halyqqa taratyld, dep habarlaıdy Almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
Volonterler evakýasıalaýǵa, gýmanıtarlyq kómek jınaýǵa jáne taratýǵa, bógetterdi kúsheıtýge jáne ystyq tamaqpen qamtamasyz etýge qatysyp, sý tasqynynan zardap shekken azamattarǵa kómek kórsetti.
Aqtóbe oblysynda volonterler birligi men jumylǵan kúshiniń arqasynda 308 tonna azyq-túlik, 85 tonna azyq-túlik emes qajetti taýarlar jáne 223 kılogramm dári-dármek evakýasıalyq pýnktterge bólindi. 10 myńǵa jýyq qutqarýshy men evakýasıalanǵan turǵyndar úshin ystyq tamaq uıymdastyryldy.
Atyraý oblysynda volonterler shtaby shuǵyl rejımde jumys isteýde. Sý tasqynyna qarsy is-sharalarǵa 13 myńnan astam volonter jumyldy.
Gýmanıtarlyq kómek qabyldaý pýnktinde búgingi tańda 1390 tonnadan astam taýarlar men zattar jınaldy.
Atyraý qalasynda bóget kúsheıtý úshin 107 pýnkt ornatylǵan. Bóget turǵyzý jumystary táýlik boıy júrgizilýde.
Volonterler men aýyldyq okrýg turǵyndarynyń bastamasy boıynsha sý shaıyp ketpes úshin, bógetter turǵyzylyp jatyr. Gaz qubyrlary men elektrmen jabdyqtaý sıaqty ınfraqurylymdyq obektilerdi qorǵaýǵa erekshe nazar aýdaryldy.
Batys Qazaqstan oblysynda qutqarý jumystaryna 8000 volonter qatysty. Kómek jınaý pýnktterinde 415 tonna gýmanıtarlyq kómek jınaldy.
Qostanaı oblysynda 3500-den astam volonter azamattardy evakýasıalaý jáne gýmanıtarlyq kómek pýnktteriniń jumysyna qatysady.
Shymkentte 1500-ge jýyq volonter jumyldyrylyp, olardyń bir bóligi zardap shekken óńirlerge jol tartty.