Qytaıdyń jetekshi hımıkteri joǵary tyǵyzdyqtaǵy polıetılendi depolımerızasıalaý (bólshekteý) katalızatory retinde keýekti seolıtti sátti qoldana alǵan.
Bul jaıynda islam.kz portaly N + 1 aqparat kózine jáne Nature Chemistry merzimdi basylymyna silteme jasaı otyryp málim etedi, dep habarlaıdy Almaty-akshamy.kz.
Ǵalymdardyń bul jańalyǵy óz kezeginde polıetılennen joǵary oktandyq sany 88 bolatyn tarmaqtalǵan alkandardyń (Alkandar — molekýla quramyndaǵy kómirtek atomdary ózara tek dara σ-baılanystar arqyly baılanysqan jalpy formýlasy CnH2n+2 bolatyn alıfatty qanyqqan kómirsýtekter – Ýıkıpedıa elektrondy ensıklopedıadan) qospalaryn alýda, sonymen qatar, depolımerlený prosesin zertteýde paıdalanýǵa bolady. Atalmysh ádistiń eń basty artyqshylyǵy qosymsha reagentterdi (Reagent - reaksıa oryn alsa, hımıalyq reaksıa nemese synaý týdyratyn júıege qosylǵan qospa nemese qospasy. Reagent reaksıanyń paıda bolýyna sebep bolatyn naqty hımıalyq zat bar-joqtyǵyn anyqtaý úshin paıdalanylýy múmkin - kk.eferrit.com derek kózinen) meılinshe az qoldanýynda jatyr.
Polıetılen – biryńǵaı baılanys arqyly qosylǵan kómirtegi atomdarynyń uzyn tizbeginen turatyn polımer. Ol myqtylyǵyna ári túrli hımıalyq áserlerge tózimdilik tanytýyna baılanysty oraý nemese qaptaý materıaldaryn óndirýde keńinen qoldanylady. Qarapaıym polıetılen beıorganıkalyq qyshqyldarmen jáne siltilermen árekettespeıdi. Búgingi tańda dúnıejúzilik hımıa ónerkásibi jylyna 100 mıllıon tonnaǵa jýyq polıetılen óndiredi. Sondyqtan ony tıimdi óńdeý tásilderin izdestirý ǵylymı qoǵamdastyqtyń mańyzdy mindetine kirgen. Qytaı ǵylym akademıasynyń hımıa ınstıtýtynyń Han Býsın bastaǵan ǵalymdar toby polıetılendi tarmaqtalǵan alkandar qospasyna aınaldyrý úshin LSP-Z100 keýekti seolıti arqyly ınovasıalyq sheshim oılap tapty.
Alynǵan ónimdi avtokólik otyny retinde sátti paıdalanýǵa bolady, bul plasık qaldyqtaryn qaıta óńdeý salasyn jańa beleske kóteredi.