Bul týraly Úkimet otyrysynda óńir ákimi Marat Ahmetjanov baıandady. Onyń aıtýynsha, atalǵan is-sharalar aıasynda halyqtyń usynystary belsendi túrde eskerilýde, bul jumystyń tıimdiligin arttyrady.
Qoıandy, Talapker, Qaraótkel sıaqty elordanyń irgesindegi aýyldarda erigen sýdy burý úshin aınalma kanaldardyń qurylysy júzege asyrylýda. Esil jáne Nura ózenderiniń jaǵalaýyn nyǵaıtý jáne keńeıtý jumystary aıaqtalýda, Atbasar aýdanyndaǵy Jabaı ózeniniń túbin tereńdetý jumysy júrgizilýde, mundaı jumys Kókshetaýdaǵy Qylshaqty ózeninde júzege asyrylýda.
Oblys ortalyǵynda uzyndyǵy 3 km qorǵanys biligi qurylysy paıdalanýǵa berildi. Sonymen qatar «Myrza-Kólsar» bógetin nyǵaıtý jumystary júrgizilýde. Bulandy aýdanyndaǵy bógetti kúrdeli jóndeý, Shortandy jáne Astrahan aýdandaryndaǵy bógetterdi nyǵaıtý, Arshaly aýdandarynyń Anar stansasyndaǵy bógetti qaıta jańartý jalǵasýda.
Sondaı-aq Atbasarda qorǵanys biliginiń shlúzderin ornatý júrgizilýde, bul tasqyn sýlardyń qaýipsiz ótýin qamtamasyz etýge jáne 400-ge jýyq úıdi sý basý qaýpin azaıtýǵa múmkindik beredi.