Azamattyq qorǵaý qyzmetterimen Atyraý, Aqtóbe, Batys Qazaqstan jáne Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý boıynsha jumystar jalǵasýda.
Batys Qazaqstan oblysynda jaǵdaı turaqtaldy. Sý basqan saıajaı aýmaqtaryna monıtorıń júrgizý jalǵasýda. Tótenshe jaǵdaılar jáne polısıa departamentiniń qyzmetkerleri birlesip, sý basqan aýmaqtardy patrúldeýde.
Kómekke kelgen Aqtóbe, Túrkistan oblystary tótenshe jaǵdaılar departamentteriniń jeke quramynan qurylǵan jıyntyq toptardyń kúshteri men quraldary Jaıyq ózeniniń boıynda ornalasqan eldi mekenderde sý tasqynyna qarsy is-sharalar júrgizý úshin Batys Qazaqstan oblysynan Atyraý oblysyna jiberildi.
Atyraý oblysynda Jaıyq ózeniniń monıtorıńi jalǵasýda, sýdyń deńgeıi kóterilgeni baıqalady. Sý tasqynynan qorǵaý maqsatynda Atyraý qalasynda bógetterdi nyǵaıtý jumystary úzdiksiz júrgizilip jatyr. Búgingi tańda uzyndyǵy 240 km qorǵanys bógetterin nyǵaıtý júrgizildi. Buǵan deıin kómekke kelgen kúshter men quraldar ýchaskelerge bólinip, qajetti jumystardy atqarýda.
Soltústik Qazaqstan, Atyraý jáne Aqtóbe oblystarynda 6 082 turǵyn úı men 2 584 aýla aýmaǵynan sýdyń baǵyty burylyp, sý soryldy. Respýblıka boıynsha 35 122 adam óz úılerine oraldy. 8 520 adam evakýasıalaý pýnktterinde.
Avarıalyq-qutqarý jáne sý tasqynyna qarsy jumystarǵa 25 myńnan astam adam, 3 myń tehnıka, 634 sý sorý quraly, 268 júzý quraly, 14 áýe kemesi jumyldyryldy.