2024 jyldyń basynan beri «Kúmis jas» jobasy aıasynda elýden asqan 10 myńǵa jýyq adam jumysqa ornalastyryldy
2024 jylǵy 1 sáýirdegi jaǵdaı boıynsha «Kúmis jas» jobasy boıynsha 9,9 myń adam jumysqa ornalastyryldy. 2024 jyly osy baǵyt boıynsha barlyǵy 19 060 adamdy jumysqa ornalastyrý josparlanýda.
Bul jobaǵa 50 jastan asqan jumyssyz adamdar zeınetkerlik jasqa tolǵanǵa deıin qatysa alady. Jobaǵa qatysý úshin mansap ortalyǵyna ótinish berý qajet.
«Kúmis jas» jobasyn qarjylandyrýdy eńbek mobıldiligi ortalyǵy jumys berýshiniń joba sheńberinde jumysqa ornalastyrylǵan jumyssyzdarǵa eńbekaqy tóleýge jumsaǵan shyǵyndarynyń bir bóligin óteýge sýbsıdıalar berý jolymen júzege asyrady. Sýbsıdıalar mólsheri: jumystyń birinshi jylynda jalaqy mólsheriniń 70% (biraq 30 AEK-ten aspaıtyn), jumystyń ekinshi jylynda jalaqy mólsheriniń 65% (biraq 30 AEK-ten aspaıtyn), jumystyń úshinshi jylynda jalaqy mólsheriniń 60% (biraq 30 AEK-ten aspaıtyn) quraıdy.
«Kúmis jas» jobasyna qatysý merzimi aıaqtalǵannan keıin jumys berýshi zeınetkerlik jasqa tolmaǵan adamdy keminde 1 jyl merzimge turaqty jumys ornyna, sondaı-aq zeınetkerlik jasqa deıingi adamdy zeınetke shyqqanǵa deıin jumysqa ornalastyrýǵa mindetti.
«Kúmis jas» jobasy boıynsha jumysqa ornalasqandardyń eń kóp sany Túrkistan oblysynda – 1,8 myń adam, Jambyl oblysynda – 896 adam, Abaı oblysynda – 619 adam jáne Shymkent qalasynda – 689 adam baıqalady. Jobaǵa qatysatyn áıelderdiń úlesi 55,6% nemese 5,5 myń adamdy, aýyl turǵyndarynyń úlesi – 5,7 myń adamdy nemese 58,2% quraıdy.
Respýblıka boıynsha ortasha jalaqy mólsheri 135,6 myń teńgeni qurady, osy mánniń eń joǵary kórsetkishi – Shyǵys Qazaqstan (202,7 myń teńge), Qyzylorda (180 myń teńge) oblystarynda jáne Astana qalasynda (177,6 myń teńge), eń tómen kórsetkishi – Batys Qazaqstan oblysynda (100 myń teńge) jáne Almaty qalasynda (98,3 myń teńgeden).
Kóptegen qazaqstandyq jobaǵa qatysý týraly oń pikirde.
Gúlmarjan Naýrzalıeva 59 jasynda mamandyǵy boıynsha jumys tapty. Qazir ol «Zerdeli» aqyl-oı damytý ortalyǵy» DK bas býhgalter bolyp jumys isteıdi.
«Ótken jyly jumys izdep Astana qalasynyń mansap ortalyǵyna júgindim. Bastaý úshin men jumyssyz adam retinde tirkeldim, sodan keıin maǵan sáıkes jumys ornyn tańdaý bastaldy. «Kúmis jas» jobasy boıynsha «Zerdeli» aqyl-oı damytý ortalyǵy» DK berilgen baǵyt boıynsha áńgimelesýden ótti jáne osy kúnge deıin munda bas býhgalter bolyp jumys isteımin», – dep bólisti G. Naýrzalıeva.
Onyń aıtýynsha, «Kúmis jas» jobasy ózin qajetti jáne suranysqa ıe maman retinde sezinýge múmkindik berdi. Elordada 2024 jyly «Kúmis jas» jobasy boıynsha myńnan astam adamdy jumysqa ornalastyrý josparlanýda.
Esterińizge sala keteıik, tótenshe jaǵdaı jarıalanǵan aýdandar men qalalarda sýbsıdıalanatyn jumys oryndaryna jumysqa ornalasqan qazaqstandyqtar jalaqyny ózgerissiz alýdy jalǵastyrady. Tótenshe jaǵdaı kezeńinde sýbsıdıalanatyn jumys oryndaryna jumysqa ornalastyrylǵan jumyssyz adamdardyń jalaqysyn eńbek mobıldiligi ortalyǵy jumys berýshilerden málimetter talap etpeı tóleıtin bolady.