Tashkent, Ózbekstan - Ózbekstan Prezıdenti Shavkat Mırzıóevtiń tapsyrmasyna sáıkes, Qazaqstandaǵy sý tasqynynan zardap shekken halyqqa gýmanıtarlyq kómek jóneltildi, dep habarlaıdy Almaty-akshamy.kz saıty uza.uz agenttigine silteme jasap.
Agenttiktiń málimetinshe, gýmanıtarlyq júkti qalyptastyrý jáne ony belgilengen jerge jetkizý uıymdastyrý máseleleri Mınıstrler Kabınetiniń qaýlysymen rettelgen.
Gýmanıtarlyq kómekti Qazaqstan Respýblıkasyna Ózbekstan Prezıdentiniń keńesshisi Tursynhan Hýdoıbergenov bastaǵan jumys toby jetkizedi.
15 iri júk kóligine tıelgen gýmanıtarlyq kómektiń quramynda azyq-túlik, áıelder, balalar jáne erlerdiń syrtqy kıimderi, kórpe-tósek, jastyq, gıgıenalyq quraldar, arnaıy jabdyqtalǵan shatyrlar, rezeńke qaıyq jınaqtary jáne basqa da qajetti taýarlar bar.
Bul shara eki el arasyndaǵy dostyq pen yntymaqtastyqty nyǵaıtatyn mańyzdy qadam bolyp tabylady.
Esterińizge sala keteıik, osyǵan deıin 15 Qytaı kompanıasy elimizdegi sý tasqynynan zardap shekkenderge 300 mln teńge jibergen edi.