Shymkent qalasynda, Mańǵystaý, Túrkistan, Aqtóbe, Qyzylorda oblystarynan kelgen TJM qutqarýshylarynyń bir bóligi jumystar tolyq aıaqtalǵanǵa deıin Atyraý oblysynda qalady.
Soltústik Qazaqstan oblysynda sý basqan aýla aýmaqtarynan sýyn sorý jumystary aıaqtaldy. 13 saıajaı úıden erigen qar sýyn sorý jumystary jalǵasýda. TJM 52859 áskerı bóliminiń radıasıalyq, hımıalyq jáne bıologıalyq qorǵaý bólimsheleri jáne jergilikti atqarýshy organdar qurǵatylǵan 127 úıde dezınfeksıalyq jumystar júrgizdi.
Batys Qazaqstan oblysynyń Oral qalasynda 17 ýchaskede qýatty jyljymaly jáne tirkemeli sorǵy stansıalarynyń kómegimen saıajaı úılerinen erigen qar sýyn sorý jumystary táýlik boıy júrgizilýde. TJM 20942 áskerı bóliminiń radıasıalyq, hımıalyq jáne bıologıalyq qorǵaý bólimsheleri jáne jergilikti atqarýshy organdar qurǵatylǵan úılerde dezınfeksıalyq jumystar júrgizdi.
Aqtóbe oblysy Yrǵyz aýdanynyń Mamyr, Belsher jáne Nura aýyldarynda 85 jeke turǵyn úı men 42 aýla aýmaǵy sý astynda qalýda. Ótken aptada 37 jeke turǵyn úı men 2 aýla aýmaǵynan sýdyń baǵyty buryldy. TJM 20942 áskerı bóliminiń áskerı qyzmetshileri Quılys jáne Jaısańbaı aýyldarynda bógetterdi nyǵaıtý jumystaryn júrgizdi.
Atyraý oblysy Jylyoı aýdanynyń Qulsary qalasynda 10 jeke turǵyn úıden erigen qar sýyn sorý jumystary jalǵasýda. Ótken aptada 4 jeke turǵyn úıden sýdyń baǵyty buryldy. Qurǵatylǵan úılerde dezınfeksıalyq jumystar júrgizilýdi. Qaýipti ýchaskelerde bógetterdi nyǵaıtý jumystary jalǵastyrylýda. Jaıyq ózeniniń sý deńgeıine monıtorıń júrgizilýde. Ótken táýlikte sýdyń deńgeıi tómendegeni baıqalady.
Respýblıka boıynsha evakýasıalanǵan 64 653 adam óz úılerine oraldy. 4 645 adam ýaqytsha ornalasý pýnktterinde qalýda. 11 881 jeke turǵyn úı men 3 644 aýla aýmaǵynan sýdyń baǵyty buryldy. 29,1 mln artyq erigen qar sýy sý soryldy, 8,1 mln artyq qapshyq jáne 1,5 mln tonna ınertti materıal tóseldi.
Avarıalyq-qutqarý jáne sý tasqynyna qarsy jumystarǵa 2 028 adam, 434 tehnıka, 97 sý sorý quraly jáne 36 júzý quraly jumyldyryldy.