Atyraý oblysyndaǵy 41 eldi meken boıynda qorǵanys qurylystary salyndy.
Sý tasqyny kezeńinde óńirde 500-den astam km. qorǵanys qurylystary salyndy. Búginde oblysta TJM áskerı bólimderiniń áskerı qyzmetshilerin qosa alǵanda, 10 óńirden kelgen qutqarýshylar toby bar, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
TJM qyzmetkerleri Jaıyq ózenindegi sý deńgeıine saǵat saıyn monıtorıń júrgizedi. Sý basqan aımaqtardan sý sorý jumystary táýlik boıy jalǵasýda. Qulsary qalasynda 2 564 turǵyn úıden sý buryldy.
Azamattyq qorǵaý qyzmetterimen, volonterlermen jáne tartylǵan uıymdarmen Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý boıynsha jumystar jalǵasýda.
Respýblıka boıynsha 7 089 jeke turǵyn úı men 2 834 aýla aýmaǵynan sýdyń baǵyty burylyp, sý soryldy, 39 352 adam óz úılerine oraldy. 6 552 adam evakýasıalaý pýnktterinde.
Sý tasqyny bastaǵaly beri 13,1 mln astam tekshe metr erigen qar sýy soryp shyǵaryldy, 7,6 mln astam qapshyq jáne 1,5 mln astam tonna ınertti materıal tóseldi.
Avarıalyq-qutqarý jáne sý tasqynyna qarsy jumystarǵa 17 myńnan astam adam, 2 myńǵa jýyq tehnıka, 291 sý sorý quraly jáne 203 júzý quraly, 7 áýe kemesi jumyldyryldy.
Órt qaýipti kezeńniń bastalýyna baılanysty TJM azamattardy tabıǵatqa shyqqanda órt qaýipsizdigi talaptaryn saqtaýǵa shaqyrady.