Oraldyq 12 jastaǵy Aman Seıfollany tirideı "jutyp qoıǵan" sý soratyn qondyrǵynyń ıesi áli tabylǵan joq, dep habarlaıdy almaty-akshamy.kz.
Amaly taýsylǵan sheneýnikter qandy qubyrdyń qojaıynyn anyqtaý úshin "Jaıyq-Kaspıı baseıni" ınspeksıasyna hat joldapty. Jetkinshektiń qubyrǵa keptetilgen denesi Derkól ózeninen shyǵarylǵan bolatyn. Marqumnyń qaıǵydan qan jutqan anasy dál osy qondyrǵydan bes-alty jyl buryn taǵy bir balanyń denesi tabylǵanyn aıtady.
Sý astyndaǵy qubyrǵa jutylǵan Amandy qutqaryp alýǵa umtylǵan eresekterdiń de kúshi jetpegen. Keıin kómekke kelgen mamandar qubyrdy arnaıy qurylǵymen kesip, balanyń denesin qursaýdan shyǵarypty. Biraq bul kezde bári de kesh edi.
Polısıa qylmystyq is qozǵaǵanymen, adam ólimin jazataıym oqıǵa retinde tirkepti.