Zamanaýı tehnologıalar men ınovasıalar engizilip jatyr.
Aýyl sharýashylyǵynda sýarmaly eginshilikti damytýdyń ekonomıkalyq, áleýmettik jáne ekologıalyq mańyzyn eskere otyryp, Qazaqstan Respýblıkasynda aýyl sharýashylyǵy jerlerin sýarý kezinde sý shyǵynyn azaıtý jóninde sharalar kesheni júrgizilip jatyr, dep habarlaıdy Almaty-akshamy.kz.
Mamandardyń aıtýynsha, zamanaýı tehnologıalar men ınovasıalardy engizý úshin ekonomıkalyq yntalandyrýlar engizilip, aýyl sharýashylyǵy daqyldaryn ártaraptandyrý júrgizilip otyr.
2021 jyly paıdalanylatyn sýarmaly jerlerdiń aýdany 1 527 myń gektardy qurady, bul 2020 jylǵa qaraǵanda 16,8 myń gektarǵa artyq.
Sońǵy 6 jylda ósimdik sharýashylyǵy ónimderin óndirý oń dınamıkany kórsetip otyr. Máselen, eger 2020 jyly sýarmaly jerlerde ónim 1,2 mln gektarǵa jınalsa, 2021 jyly bul kórsetkish 1,4 mln gektardy qurady.
«2021 jyly sýarmaly jerlerde aýyl sharýashylyǵy daqyldary boıynsha jalpy jıyn-terim kelesideı: dándi daqyldar (kúrishti qosa alǵanda) jáne burshaq daqyldary – 1739,3 myń tonna, bul 2020 jylǵy deńgeıden 23,8% artyq (1404,9 myń tonna), qant qyzylshasy – 331,4 myń tonna, bul 2020 jylǵy deńgeıden 44,8% artyq (228,8 myń tonna), shıtti maqta – 290,4 myń tonna, bul 2020 jylǵy deńgeıden 2020 jylǵy deńgeıden 10,8% az (325,6 myń tonna), kókónister-2701,4 myń tonna, bul 2020 jylǵy deńgeıden 23,8% artyq (2181,7 myń tonna), baqsha daqyldary - 2332,3 myń tonna, bul 2020 jylǵy deńgeıden 23,1% artyq (1894,2 myń tonna), maıly daqyldar-244,9 myń tonna. bul 2020 jylǵy deńgeıden 65,9% artyq (147,6 myń tonna)»,- delingen ASHM baspasóz qyzmetiniń habaramasynda.
Respýblıka boıynsha sý únemdeý tehnologıalary engizilgen sýarmaly jerlerdiń aýdany 2021 jyly 258 myń gektardy qurady, bul 2020 jylǵy deńgeıden 37 myń gektarǵa kóp.
Qazaqstan Respýblıkasynyń agroónerkásiptik keshenin damytý jónindegi 2021-2025 jyldarǵa arnalǵan ulttyq jobaǵa sáıkes, 2022 jyly sý únemdeý tehnologıalary engiziletin sýarmaly jerlerdiń alańyn 265 myń gektarǵa deıin jetkizý josparlanyp otyr.
Sý berý qyzmetteriniń qunyn sýbsıdıalaý aıasynda 2021 jyly 1 938 mln teńge ıgerildi, bul 1 010 aýyl sharýashylyǵy taýaryn óndirýshini sýbsıdıalaýǵa múmkindik berdi.
Sýarmaly jerlerdiń melıorasıalyq jaı-kúıin qadaǵalaý jáne baǵalaýmen 1566,4 myń ga qamtylǵan, jaqsy jaı-kúıi bar sanattarǵa 761,4 myń ga (49%) jatqyzylǵan, jaı-kúıi qanaǵattanarlyq 477,0 myń ga (31%) alańda usynylǵan, jaǵdaıy qanaǵattanarlyqsyz alańdarǵa 310,3 myń ga nemese jalpy baqylanatyn alańnyń 20% bólindi.
Melıorasıalyq jaǵdaıy qanaǵattanarlyqsyz sýarmaly jerlerdiń negizgi úlesi (200,2 myń ga) Túrkistan oblysynda ornalasqan, onda melıorasıalyq jaı-kúıi jergilikti jerdiń geologıalyq qurylysyna, sondaı-aq gıdrologıalyq jáne ırrıgasıalyq faktorlarǵa baılanysty bolyp otyr.
Sońǵy bes jylda júrgizilgen taldaý qanaǵattanarlyqsyz melıorasıalyq jaı-kúıi bar alańdar 316,7 myń gektardan 310,3 myń gektarǵa deıin azaıǵanyn kórsetti.
Bul iri ınvestısıalyq jobalar men sý sharýashylyǵy uıymdarynyń paıdalaný shyǵystary sheńberinde sýarý jáne kolektorlyq-sorǵytý jelilerin qalpyna keltirýmen jáne rekonstrýksıalaýmen, sondaı-aq memlekettik qoldaý sharalary esebinen aýyl sharýashylyǵy taýaryn óndirýshiler tarapynan agrotehnıkalyq is-sharalar keshenin saqtaýdy jaqsartýmen baılanysty.
Jalpy, 2022 jyly sýarmaly jerlerdiń melıorasıalyq jaı-kúıin monıtorıńteý jáne baǵalaýmen 1574,1 myń ga sýarmaly jerdi qamtý josparlanyp otyr.