Sý resýrstary jáne ırrıgasıa mınıstrligi bıylǵy sý tasqyny kezinde kólderge, lımandarǵa jáne sýarmaly shabyndyqtarǵa 12,4 mıllıard tekshe metr sý jiberdi.
Atap aıtqanda, lımandarǵa 1,2 mlrd tekshe metr, kólderge – 4,5 mlrd tekshe metr, ózen saǵasyndaǵy sýarmaly shabyndyqtarǵa – 6,7 mlrd tekshe metr sý jiberildi, dep habarlaıdy Almaty-akshamy.kz.
Cý resýrstary jáne ırrıgasıa mınıstrliginiń málimetinshe, sý tasqyny kezinde elimizdiń sý qoımalaryna 12 mlrd tekshe metrden astam sý jınaldy – bul ótken jylmen salystyrǵanda 2,5 ese kóp. Jınalǵan tasqyn sýy ekonomıka qajettilikteri úshin paıdalanylady.
«Jınalǵan sý negizinen aýylsharýashylyǵy men ónerkásipte paıdalanylady. Sondaı-aq, tasqyn sýyn lımandar men shabyndyqtarǵa baǵyttaý mal sharýashylyǵyn qajetti jem-shóp qorymen qamtamasyz etýge oń áser etedi. Tasqyn sýdyń bir bóligi sý qoımalaryna jiberildi. Bıyl qoımalarǵa jınalǵan sýdyń jalpy kólemi 75 mlrd tekshe metr, bul ótken jylǵy kórsetkishten 15 mlrd tekshe metrge artyq», - dedi Sý resýrstary jáne ırrıgasıa mınıstri Nurjan Nurjigitov.