Respýblıkanyń sý tasqyny aımaqtarynda Sý resýrstary jáne ırrıgasıa mınıstrliginiń 1000-nan astam mamany men 280-nen astam tehnıkasy jumys istep jatyr.
Sý sharýashylyǵy nysandarynda jedel is-sharalar qabyldaý úshin táýlik boıy kezekshilik uıymdastyrylyp, sý kólemine táýlik boıy monıtorıń júrgiziledi, dep habarlaıdy Almaty-akshamy.kz Sý resýrstary jáne ırrıgasıa mınıstrligine silteme jasap.
Sý tasqynyna qarsy is-sharalarǵa arnalǵan qor, sonyń ishinde tas, qum, qıyrshyq tas, qapshyqtar jáne basqa da qajetti ınertti materıaldar daıyndaldy.
«Mınıstrlik janynan qurylǵan jedel shtab jergilikti ákimdiktermen ózara tyǵyz is-qımyl jasap jatyr. Respýblıkalyq menshiktegi barlyq gıdrotehnıkalyq qurylystarda tasqyn sýyn apatsyz ótkizý jóninde is-sharalar jospary men sý qoımalarynyń jumys kestesi bekitildi. Jaýapty mekeme qyzmetkerleri sý sharýashylyǵy ahýalyna táýlik boıy baqylaý júrgizedi»,- dedi Sý resýrstary jáne ırrıgasıa mınıstri Nurjan Nurjigitov.