Mıllıarder, fılantrop ári Microsoft IT-korporasıasynyń negizin qalaǵan Bıll Geıts bolashaqta búginde adazmat ómirine dendep enip bara jatqan tehnologıanyń sátsizdikke ushyraıtynyn aıtty.
Úndistan premer-mınıstri Narendro Modımen kezdesýinde. Onyń aıtýynsha, jasandy zerde jaı tapsyrmalardy oryndaı almaıdy. Bul jaıynda islam.kz portaly óz kezeginde India Today aqparat kózine jón siltegen hi-tech saıtyna silteme jasaı otyryp málim etedi, dep habarlaıdy Almaty-akshamy.kz.
Onyń aıtýynsha, qazirgi ýaqytta neırojeli ońaı tapsyrmalardy oryndaı alady. Sondaı-aq, ol adamzattyń Aİ tehnologıasymen janasýdyń (tanysýdyń) alǵashqy kezeńinde turǵanyn aıta kele bolashaqta neırojeli adam túsine kirmegen múmkindikterge jol ashsa da kóptegen qıyndyqtarmen betpe-bet keletinin jasyrmady. Dáliregi, sizge qıyn kóringen tapsyrmalardy oryndaǵanymen qarapaıym nárselerdi sheshe almaıtynyn málimdedi.
AI damýymen ilese ózimen júretin kúrdeli máselelerdiń biri – arajigin ajyratýy qıynǵa soǵaty feık aqparattar. Kıberkeńistiktegi qaraqshylar men qylmyskerler yqpaldy tulǵalardyń bet-álpetin jáne olardyń daýystaryn aınytpaı salatyn jalǵan beınelerdi jasaý arqyly qoǵamda dúrbeleń týdyrýy múmkin. Bul qaýip óz kezeginde adam shyǵyny men ekonomıkalyq jáne áleýmettik saldary aýyr túrli qaterlerge bastaıdy.