Sý resýrstary jáne ırrıgasıa mınıstrligi bıyl sý qubyrlaryn salý jáne rekonstrýksıalaý boıynsha 28 jobany iske asyra bastady.
Bul jumystardyń nátıjesinde, 1,1 mln turǵyny bar 426 eldimekende aýyz sýmen qamtamasyz etý sapasy jaqsarady, dep habarlaıdy Almaty-akshamy.kz Cý resýrstary jáne ırrıgasıa mınıstrligine silteme jasap.
Jańadan salynatyn jáne rekonstrýksıadan ótetin toptyq sý qubyrlarynyń jalpy uzyndyǵy 2000 shaqyrymnan asady. Qurylys jumystaryn aldaǵy eki jylda aıaqtaý josparlanyp otyr.
«Qurylys jumystary elimizdiń 9 óńirinde júrip jatyr. Atap aıtqanda, Soltústik Qazaqstanda – 10 toptyq sý qubyry, Qyzylorda oblysynda – 6, Aqmola oblysynda – 4, Almaty jáne Ulytaý oblystarynda – 2 jobadan, Atyraý, Mańǵystaý, Túrkistan, Batys Qazaqstan oblystarynyń árqaısynda 1 toptyq sý qubyrlaryn salý jáne rekonstrýksıalaý jobasy júzege asyrylýda»,- dedi Sý resýrstary jáne ırrıgasıa vıse-mınıstri Erbolat Ibraıhanov.