Portýgalıanyń Albýfeıre qalasynyń jaǵalaýynyń mańynda jańa sý asty kórkem sýret jármeńkesi ótýde, - dep habarlaıdy almaty-akshamy.kz Breaking Travel News basylymyna silteme jasap.
EDP Art Reef portýgalıalyq graffıtı jáne kóshe sýretshisi, Vhils laqap atymen tanymal Aleksandr Farto jasaǵan eldegi osy tektes alǵashqy joba. Elektrostansıanyń eskirgen qaldyqyqtarynan jasalǵan 13 týyndyny daıverler 10 metr tereńdikte tamashalaı alady.
Temir men betonnan jasalǵan týyndylar jaǵalaýdan bir mıl qashyqtyqta, 12 metr tereńdiktegi 1250 sharshy metr jerge ornalastyrylǵan. Al ondaǵy eń bıik músin 5,3 metr.
"Adamdardyń teńizben qarym-qatynasynyń túrli tarıhyn tabýǵa tyrystym, aman qalý, qaqtyǵysý men qysyltaıań oqıǵalardy. Bizdiń tarıh teńizben baılanysqan tustardy", - deıdi Vhils.
Bul sýretshiniń "ózin synap kórgen eń aýyr" eńbegi boldy. Bul úshin ol úlken komandany jumyldyrdy jáne jumystardyń bári teńiz túbinde - únemi qozǵalys ornynda jasalǵan.
2008 jyly kóshe óneriniń eń ataqty ókilderiniń biri Benksı Vhils laqap atymen belgili Aleksandr Fartony Londondaǵy The Cans Festival kórmesine shaqyrady, osy kezde portýgalıalyq ózin tanytýǵa úlken múmkindik alǵan eken.
Tehnıktiń qadaǵalaýymen, saqtandyrýy men jaýapkershilikten bas tartý týraly haty bar kez kelgen adam Art Reef by Vhils kórmesin tamashalaı alady.