Facebook áleýmettik jelisinde Meta negizin qalaýshy Mark Sýkerbergtiń vıdeosymen feık aqparat taraýda, dep habarlaıdy almaty-akshamy.kz stopfake.kz silteme jasap.
Mark Sýkerbergtiń aıtýynsha, kompanıa árbir qazaqstandyqqa pasıvti tabys tabýǵa múmkindik beretin arnaıy Libra platformasyn iske qosty. Jańalyq «Habar 24» dep atalatyn akkaýntta jarıalanǵan. Munyń bári aldaý jáne alaıaqtyq.
Rolık shyqqan Facebook paraqshasynyń qazaqstandyq «Habar 24» telearnasyna eshqandaı qatysy joq. Bul 2023 jyldyń 2 qazanynda ashylǵan jáne eshteńe jarıalamaǵan feık akkaýnt. Sonymen qatar paraqshada «Habar 24» telearna emes, sporttyq komanda dep kórsetilgen.
Telearnanyń Facebook-tegi paraqshasy 24kz dep atalady jáne onda qazaqstandyqtarǵa arnalǵan pasıvti tabys tabýǵa bolatyn Meta jobalary týraly jazylmaǵan.
Sýkerbergtiń taraǵan vıdeosynyń skrınshotyn teksergende úzindiniń kásipkerdiń 2022 jylǵy 24 naýryzdaǵy suhbatynan alynǵany anyqtaldy. Aǵylshyn tilindegi túpnusqa vıdeoda ol kompanıanyń damý jáne ósý strategıasy týraly aıtady, Qazaqstan men Libra jobasy týraly sóz qozǵamaıdy.
Aıta keteıik, Meta-da osylaı atalatyn joba bolǵan. Kez kelgen adamǵa pasıvti tabys tabýǵa múmkindik beretin platforma emes, Kompanıa shyǵaratyn krıptovalúta osylaı atalýǵa tıis edi, biraq. 2022 jyldyń aqpanynda Libra Meta kompanıasyna aıtarlyqtaı tabys ákelmeıtini belgili bolyp, joba basqaǵa satyldy.