Endi ýnıversıtet stýdentteri 31 423 teńgeniń ornyna 36 660 teńge alady.
Joǵary oqý oryndarynda stýdentterge tólenetin tólemdi ózgertý týraly Úkimet qaýlysy kúshine endi, dep habarlaıdy Almaty-akshamy.kz
Qujatqa sáıkes, aı saıynǵy memlekettik stıpendıa mólsheri ulǵaıtyldy.
Bolashaq muǵalimder men dárigerlerdiń shákirtaqysy buryn 50 400 teńge bolsa, endi 58 800 teńge alady. Internderge 66 403 teńge, magıstranttarǵa 86 987 teńge tólenedi. «Nazarbaev Ýnıversıtetiniń» magıstranttaryna 162 500 teńge beriledi, buryn 143 750 teńge bolatyn.
Doktoranttar men «Densaýlyq saqtaý» daıyndyq baǵyty boıynsha doktoranttarǵa 195 000 teńge shákirtaqy taǵaıyndaldy, ol 172 500 teńge edi, al «Densaýlyq saqtaý» daıyndyq baǵyty boıynsha rezıdent dárigerler men magıstranttarǵa 100 036 teńge (88 494 teńge boldy) tólenedi.
Basqa stıpendıalardyń mólsheri ózgerissiz qaldy.