AQSH-ta burynǵy UFC chempıony Habıb Nurmaǵambetov bortserikpen sózge kelip qalǵany úshin reısten túsirildi, dep habarlaıdy aqshamnews.kz.
Essentially Sports málimetinshe, American Airline áýe kompanıasyna tıesili ushaqtyń ushar aldynda bortserik tótenshe jaǵdaıda shyǵatyn oryn mańaıyna jaıǵasqan Habıbten basqa jerge aýysýyn ótingen. Nurmaǵambetov budan bas tartqan, sodan keıin bortserik áýe kompanıasy qyzmetkerin shaqyrǵan. Al ol óz kezeginde aqyrynda sportshyny reısten shyǵaryp tynǵan.
Áleýmettik jelide jarıalanǵan vıdeoda bortserik qyz Nurmaǵambetovqa apattyq jaǵdaıda shyǵý esigi mańyna otyrǵyzýǵa ruqsat bere almaıtynyn túsindirip, ózin tyńdamaǵan jaǵdaıda reısten shyǵaratynyn aıtady.
"Bul ádiletsizdik qoı. Men anda-mynda aýysyp júre almaımyn", – dep jaýap berdi sportshy.