Chehıanyń Most qalasynda «U Kojota» meıramhanasynda kúshti jarylys boldy, nátıjesinde alty adam qaza tapty, taǵy segiz adam jaraqat aldy, dep habarlaıdy aqshamnews.kz.
Oqıǵa túngi 23:00 shamasynda bolǵan. Bul ýaqytta meıramhananyń asqana bóligi jabylǵan eken. Biraq restoranǵa kelýshiler tolyǵymen shyǵyp úlgermegen.
Chehıanyń órt qyzmetiniń áleýmettik jelide jarıalaǵan málimdemesine sáıkes, keleńsiz oqıǵanyń sebebi gaz balonynyń jarylýy bolǵan. Munda gaz balondy jylytqysh úshin paıdalanǵan. Jarylys nátıjesinde órt shyqqan.
Órtsóndirýshiler otty sóndirgennen keıin, qutqarýshylar qıraǵan ǵımarattyń astynan alty adamnyń denesin tapty. Jaralanǵan segiz adamnyń altaýy aýyr halde bolǵan, olar Praga aýrýhanalaryna jetkizildi. Polısıa oqıǵanyń sebepterin anyqtaý úshin tergeý júrgizýde.
Chehıanyń ishki ister mınıstri Vıt Rakýshan atap ótkendeı, órtsóndirýshiler meıramhanadan jáne oǵan jaqyn ornalasqan turǵyn úıden shamamen 30 adamdy qutqaryp qalǵan.